Prishtina letrare

Libri më i ri i kritikut Kujtim Shala, “Prishtina letrare: petit Paris” është vepra përmbyllëse e “qarkut të Prishtinës”. Nisi me “Acta Albanica”, ku u hap çështja qark letrar i Prishtinës, duke vazhduar me “Prishtina Letrare” që rimerrte dhe çonte më tej Acta Albanica-n e Prishtinës. Tani, “Prishtina letrare: petit Paris” lidh idetë e para, provat e dyta dhe përmbyll kërkimin, për t’u bërë vetë kurorë e një bibliografie, që do të thotë biografie, të autorit. Shala është një nga studiuesit më të zellshëm të letërsisë shqipe. Përmes studimeve të tij, ai ka sjellë risi në studimet e krijimeve të autorëve shqiptarë, sidomos në fushën e kritikës.