Te gjitha te drejtat jane te rezervuara

Libri “© Të gjitha të drejtat janë të rezervuara” vjen si vijimësi e titujve të mëparshëm poetikë, “Shkopsitje” dhe “®”, të autores Rudina Çupi. Që të tre librat ruajnë strukturën e ngjashme me trekëndëshin e Bermundës: dashuria-erosi, gruaja-individi dhe filozofia-mendësia për jetën. Me një ndjeshmëri të thellë e origjinale ndaj fjalës dhe lirisë, ndaj qenies dhe çështjes ekzistenciale, ndaj dashurisë, pasioneve dhe të gjithë spektrit të ndjenjave, ndaj të së tashmes dhe raportit të saj me kohët, si dhe ndaj vetë artit dhe bashkëkohësisë a romantizmit, leximi i këtyre poezive është një reflektim gjatë një shëtitjeje me barkë në liqenin e mbuluar me gjethe të arta vjeshte, ku ndihet vetëm shushurima e erës dhe melodia e dallgëve.